InicioTerra de LemosMonforteAs obras de mellora no tramo Monforte-Lugo interromperán o servizo ferroviario o...

As obras de mellora no tramo Monforte-Lugo interromperán o servizo ferroviario o 20 e 21 de novembro

Adif acometerá eses días actuacións na infraestrutura.

Publicado o

- Advertisement -

O tráfico ferroviario de viaxeiros entre Monforte de Lemos e Lugo verase interrompido os días 20 e 21 de novembro debido ás obras de mellora emprendidas por Adif neste corredor. Por iso, Renfe estableceu plans alternativos de transporte por estrada para os viaxeiros dos servizos afectados.

Así o informou nun comunicado Adif, no que explica que acometerá durante eses días actuacións en infraestrutura, como obras de drenaxe; pasos superiores; noiros de trincheiras e túneles, e vía para permitir a electrificación do tramo entre Monforte de Lemos e Lugo Mercadorías, de 75 quilómetros de lonxitude.

O corte comezará ás 22,30 horas do venres 19 de novembro e concluirá na madrugada do luns 22, polo que afectará, matiza Adif, “aos servizos ferroviarios de viaxeiros do sábado 20 e domingo 21 de novembro”.

As actuacións de mellora do tramo en servizo Ourense-Monforte de Lemos-Lugo, asegura Adif, “teñen como obxectivo cumprir os compromisos coa mellora das condicións de explotación comercial do traxecto, en parámetros tales como a fiabilidade, o confort e os tempos de viaxe”.

Entre as principais actuacións previstas, que levan diversos cortes ao tráfico puntuais, engade, inclúense a adaptación da infraestrutura ás novas condicións de explotación, o cambio de electrificación de 3 kV a 25 kV no tramo Ourense-Monforte de Lemos e a electrificación a 25 kV do Monforte de Lemos-Lugo.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...