HomesociedadeSinalizados a ruta e o castro de Penadominga

Sinalizados a ruta e o castro de Penadominga

Sinalizada a ruta circular para acceder ao Castro de Penadominga aproveitando un antigo camiño que unía Bendollo con Vilar de Mondelo a ruta foi acondicionada este verán polo Campo de Traballo da Xunta de Galicia e a brigada de incendios.

Publicado o

POR
Redacción
- Advertisement -

Con cargo ao Plan de Sostibilidade do Consorcio de Turismo da Ribeira Sacra, colocáronse sinais de dirección de madeira desde Vilar de Mondelo e desde Bendollo, xa que se pode acceder dende os dous núcleos. Ademais, con fondos Leader do GDR Ribeira Sacra-Courel, colocouse unha interpretación do xacemento na zona do castro de Penadominga.

A ruta que pode visitarse no perfil de Wikiloc do Concello de Quiroga ten unha distancia de 5,74 quilómetros de dificultade técnica moderada, que ademais de achegarse ata o  xacemento castrexo permite gozar dunhas magníficas vistas do val do río Sil. Dende esta ruta pódense ver tres alvarizas, testemuñas dunha intensa labor apícola na zona.

O castro de Penadominga reafírmase como un dos lugares de maior interese arqueolóxico do municipio, segundo o arqueólogo, Iván Álvarez Merayo, director dos traballos realizados polo campo de traballo nestes anos. O antigo asentamento, posiblemente levantado entre os séculos IV e V, conta cun  sistema defensivo formado por catro fosos.

O terreo foi escavado, aterrazado e recheo con terra e escombros a fin de acondicionar as superficies para asentar as construcións, algo que desapareceu xa que agora só queda  a “croa” ou recinto central.

Os materiais e as técnicas construtivas do castro correspóndense  cronolóxicamente, como remarca o arqueólogo, con algunhas pezas que están depositadas no Museo Provincial de Lugo desde a década de 1950 e que supostamente proceden deste xacemento.

ÚLTIMAS

En xullo comezan a funcionar en Trascastro apartamentos turísticos rurais

O Concello do Incio contará o vindeiro mes de xullo cun novo proxecto turístico...

Foliada Guímara este venres en Fornelas

As Foliadas Guímaras son unha iniciativa do Concello da Pobra do Brollón co obxectivo...

Oferta pública de ciclos para o novo curso no IES A Pinguela

O IES A Pinguela informa estas semanas da oferta de ciclos para o vindeiro...

Ciberseguridade e delitos informáticos, temas centrais das Xornadas Xurídicas de Sarria

Este mércores 12 de xuño celebrábase a inauguración das XVII Xornadas Xurídicas Román García...