Na charla coloquio de Sarria interviñeron Noelia Gómez Díaz, psicóloga especialista no tratamento de vítimas de violencia de xénero; Paula Suárez Guillón, pedagoga experta en intervención social, e Sonia Calvo Tato, avogada e asesora xurídica.

Javier Arias destacou que se aborda o problema desde un enfoque multidisciplinar co obxectivo de previr e dar visibilidade a esta lacra, “ao tempo que instamos a denunciar os casos e fomentamos o apoio ás vítimas para que reciban en tempo e forma a axuda que necesitan, tanto social, médica e psicolóxica coma policial e xurídica”, afirmou.

Nas últimas semanas celebráronse outras seis xornadas de sensibilización nas catro provincias galegas, dúas na cidade de Lugo e as demais na Coruña, Vigo, O Carballiño e Poio. En Sarria a Consellería achegou 15.000 euros para o desenvolvemento desta actividade.