Desde o SAF fixeron unha unha petición formal ó concello para que unha das compañeiras despedidas, cuxo despido foi anulado pola xustiza, interveña no pleno e dea a coñecer a todos os concelleiros a situación e a indefensión na que se atopan as traballadoras ante os “reiterados incumprimentos por parte da empresa Samaín.”

Segundo a plataforma os últimos feitos son motivos máis que suficientes para solicitar o cese da concesión e piden que o servizo volva a ser público polo ben das usuarias e das traballadoras.

Esixen a remunicipalización do servizo de atención no fogar e recuperar unha atención de calidade para todas as usuarias, e cese a temporalidade coa que se está a prestar o servizo. “Unha temporalidade que a sofren tamén as persoas usuarias que ven como cada día son atendidas por unha traballadora diferente na meirande parte dos casos,” conclúen desde o SAF.