Despois de 271 anos celebrando a tradicional ‘Festa dos Fachós’ en Castro Caldelas, neste 2022 tampouco será posible, do mesmo xeito que non se fixo o pasado 2021.
A incidencia da pandemia, que se vén mantendo nuns niveis moi altos dende o pasado mes de decembro, levou ao concello a cancelar a celebración tal como a coñecemos. Como alternativa, veñen de comunicar que está previsto organizar unha procesión limitada á veciñanza o día 19 de xaneiro saíndo entre “o lusco e fusco” para que o lume purificador alonxe a ‘Peste’ actual.
“Cumprindo todas as medidas de seguridade pediremos a San Sebastián o cese desta Pandemia portando un Fachón de 35 metros”, comenta a Alcaldesa Sara Inés Vega.
Está previsto organizar unha procesión limitada á veciñanza, saíndo entre “o lusco e fusco” para que o lume purificador alonxe a ‘Peste’ actual
Os Caldelaos que desexen levar un fachón individual deberán anotarse aportando os seus datos no Concello os días 18 e 19 de xaneiro en horario de 9:00 a 14:00 h.
