A actividade estaba organizada polo departamento de Lingua Galega para reforzar os coñecementos sobre o movemento rexionalista de finais do XIX e comezos do pasado século, as súas inquedanzas e medios de comunicación, materia forte das ABAU desa materia.

Sabrina Pérez aportou datos sobre as Irmandades da Fala e a súa relación con Monforte, unha vila cunha influencia importante tamén nos primeiros movementos agrarios e cun pulo importante causado pola chegada do ferrocarril.

Foi unha “moi interesante conferencia dunha querida amiga á que todos no IES A Pinguela recordamos con afecto,” sinalan desde o centro.