Na xornada falouse da importancia desta actividade, así como a pouca preocupación que as administracións locais teñen sobre esta especie, que a Xunta ten declarada como invasora. “Mesmo desde a Xunta se sacaron axudas para erradicalas, e desde CV se solicitou de forma expresa ó Concello, que as solicitase. Son axudas de ata 30.000€ para erradicar especies invasoras e cada ano que pasa será un problema máis grave,” sinalan.
Desde Courel Vivo afirman que se o concello segue sen ver a necesidade de erradicar as matas existentes, seguirán a facer xornadas alí onde a veciñanza e propietarios das mesmas, o soliciten e a Xunta o autorice.
A organización agradece a participación dos voluntarios “que nalgúns casos fixeron horas de camiño para colaborar na eliminación destas matas que tiñan uns 440m2 de superficie.”
