Aseguran desde o concello de Sober que cando Chechu Salgado recibiu a proposta non o dubidou e manifestou sentirse moi agradecido e “desexando que chegue ese día que vai ser inesquecible”.

Chechu Salgado vén de recibir o Premio Goya como mellor actor revelación polo seu papel no filme ‘As Leis da fronteira’. Ademais desta gran interpretación Chechu Salgado ten participado en series galegas de gran renome, como Serramoura, na serie de Antena3 Fariña, en Servir y Proteger, de TVE ou en Patria, de HBO. Na actualidade está rodando unha serie en Galicia.

O Concello de Sober quere con esta elección recoñecer o traballo que o mozo está facendo no mundo audiovisual “no que aínda lle quedan moitos éxitos que colleitar” e, ao mesmo tempo, contar cun pregoeiro de excepción, de actualidade e un orgullo para todos os veciños