HomesociedadeA Xunta apoia os programas de AFA Chantada para a atención de...

A Xunta apoia os programas de AFA Chantada para a atención de persoas con alzheimer

O delegado territorial da Xunta en Lugo, Javier Arias, visitou este xoves a sede da entidade para coñecer as actividades de rehabilitación cognitiva que organiza o colectivo grazas a unha achega concedida na anterior convocatoria de axudas a entidades sen ánimo de lucro para levar a cabo este tipo de iniciativas.

Publicado o

POR
Redacción
- Advertisement -

A Consellería de Sanidade colabora coa Asociación de Familiares de Enfermos de Alzheimer de Chantada (Afa Chantada) para desenvolver programas de atención sociosanitaria dirixidos a persoas que sofren esta doenza.

Arias salientou o importante labor das asociacións neste eido, “xa que promoven actuacións que contribúen a mellorar a calidade de vida das persoas enfermas de alzhéimer e outras demencias neurodexenerativas e ofrecen apoio aos seus familiares”.

Na provincia de Lugo, no ano 2021 a Consellería de Sanidade tamén colaborou cun programa das mesmas características impulsados pola Asociación de Familiares de Persoas con Alzheimer e outras Demencias de Viveiro (AFA Viveiro).

En canto á convocatoria deste ano, Arias destacou que incrementou o seu orzamento nun 40% ata alcanzar os 250.000 euros, co que a Xunta quere chegar a máis asociacións sen ánimo de lucro que desenvolven programas de apoio psicolóxico, estimulación cognitiva, integración sensorial, rehabilitación de fisioterapia para pacientes con TEA e tratamentos para persoas con trastornos de conduta alimentaria, enfermidades raras, alzheimer, ELA, enfermidades neurodexenerativas e parálise cerebral ou dano cerebral adquirido. Tamén medra a contía máxima das achegas, que pasa de 12.000 a 16.000 euros.

ÚLTIMAS

Campus de Voleibol e de Fútbol en Quiroga

O Concello de Quiroga poñerá en marcha un ano máis, e xa van 5,...

O Concello de Chantada aumenta a capacidade e mellora os servizos do punto limpo

O Concello de Chantada vén ampliando e mellorando o punto limpo do municipio desde...

305.000€ para un novo aparcadoiro no Polígono do Reboredo en Monforte

O aparcamento actual, que se ubica na marxe esquerda da vía principal do Polígono,...

Aberto o prazo para a ludoteca de verán de Triacastela

As actividades da ludoteca terán horario de 09:30 a 14:00 horas. Ofértanse 20 prazas...