Desde o concello convidan a quen queira participar, a enviar por correo electrónico unha fotografía cunha breve explicación de por que esas mulleres son as súas referentes. “Nais, avoas, fillas, estudantes, traballadoras, emprendedoras, todas as mulleres do Courel serán homenaxeadas coa vosa axuda,” insisten.

O pasado ano o Concello fixo unha exposición sobre mulleres galegas na Historia, ás que este ano engadirán a todas esas mulleres do Courel que tamén forman parte da historia do municipio.

Quen queira participar ten que mandar unha fotografía e un breve texto da muller que elixa ao correo servizossociais@folgosodocourel.com. As fotografías deben de enviarse antes do 8 de marzo para que formen perte da mostra que se exhibe no Concello de Folgoso do Courel. As que cheguen despois desa data iranse incorporando. A iniciativa permanecerá aberta todo o mes de marzo.