HomesociedadeO cartel dunha moza ourensá anunciará a XLII Feira do Viño de...

O cartel dunha moza ourensá anunciará a XLII Feira do Viño de Amandi

O Concello de Sober comeza o ‘Mes do Amandi’ co fallo do concurso, cun concerto das Xuventudes Musicais e a presentación do equipo de Rally ‘Barantes Sport’

Publicado o

POR
Redacción
- Advertisement -

Rocío Rodicio González, de 15 anos e veciña de Ourense, é a gañadora do concurso de carteis da XLII Feira do Viño de Amandi, que se celebrará en Sober os próximos 9 e 10 de abril, volvendo así a súa data habitual de sábado e domingo de Ramos.

O cartel darase a coñecer o vindeiro sábado día 12 ás 12:00 horas nun dos novos recursos turísticos e paisaxísticos cos que conta o Concello de Sober. A gañadora recibirá un premio de 600 euros.

Rocío Rodicio explica que o seu deseño recolle a esencia da Feira do Viño de Amandi, no que se pode ver representado o Río Sil, as uvas e a figura do viticultor. Considera a distinción “unha gran oportunidade” e asegura estar moi orgullosa co premio e co traballo, unha acuarela con lapis de cores.

Mes do Amandi

Co fallo do concurso de carteis o Goberno local inicia este sábado o ‘Mes do Amandi’, as actividades previas á celebración da Feira do Viño. A localidade acolle ademais esta tarde un concerto das Xuventudes Musicais de Sober e a presentación do equipo de Rally ‘Barantes Sport’, co que colabora o Concello de Sober.

Todas estas actividades conforman o marco ideal para botar a andar o Mes do Amandi cuxas propostas se prolongarán ata a data da Feira do Viño e se irán dando a coñecer nos vindeiros días. Este ano o pregoeiro da XVII Feira do Viño de Amandi será o actor, Chechu Salgado, nacido na localidade e gañador do Premio Goya deste ano como mellor actor revelación polo seu papel no filme ‘As leis da fronteira’.

ÚLTIMAS

27 de xuño de Portas Abertas no servizo de atención temperá de Quiroga

Dende o Servizo de Atención Temperá tiveron a iniciativa de reunir a todos/as os...

Monforte acolle o Campus Internacional Ucraíno de Verán de Ximnasia Rítmica do 24 ó 28 de xuño

O programa de contidos do Campus contará con sesións de aprendizaxe, masterclass internacional e...

“Nin un só día sen médico e unha lei de alta montaña”, pide Courel Vivo ao pleno

O concello do Incio está situado nunha zona de montaña cunhas intensas características orográficas...

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....