O equipo do IES A Pinguela está formado polas alumnas de 4º de ESO Eva Martínez, Area Gómez, Gabriela Corral e Aldara Fernández que souberon defender, en dous debates, e atacar nun terceiro, se “Debería existir unha regulación para ser youtuber ou influencer que garanta que desempeñen as súas funcións correctamente”, gañando en dous e coa suficiente puntuación para obter 440 puntos que as colocaron entre as 8 que pasan á fase final, que se desenvolverá no Parlamento de Galicia.

A fase clasificatoria xogouse esta fin de semana na Universidade Laboral de
Culleredo e congregou a 22 equipos de distintos centros públicos e privados
de toda Galicia.

o IES A Pinguela felicita ás alumnas do equipo polo traballo realizado. Tamén polo moito que permite aprender de comunicación, expresión oral e de traballo en equipo, esta experiencia.