IniciosociedadeAmarelo para a Torre da Homenaxe no Día da Endometriose

Amarelo para a Torre da Homenaxe no Día da Endometriose

A endometriose é unha das doenzas máis enigmáticas e controvertidas da xinecoloxía, por iso, non existe un tratamento idóneo para a mesma. As lesións que produce a endometriose teñen un pronóstico incerto, xa que poden permanecer estables, progresar, e incluso retroceder.

Publicado o

POR
Redacción
- Advertisement -

O Concello de Monforte súmase este luns, día 14 de marzo, ós actos conmemorativos do Día da Endometriose, unha enfermidade silenciada pero que afecta a moitas mulleres no mundo. Como xesto simbólico e en sinal de apoio ás mulleres afectadas por esta enfermidade, na noite do luns 14 ó martes 15 de marzo, o Concello procederá á iluminación da Torre da Homenaxe de San Vicente de cor amarelo.

A endometriose é unha enfermidade xinecolóxica crónica que afecta ás mulleres, na que se produce unha situación anómala: a implantación e o crecemento benigno de tecido do endometrio fora do útero, dando lugar a unha reacción inflamatoria. As zonas que poden verse afectadas por esta patoloxía con máis frecuencia son estruturas reprodutivas, xeralmente os ovarios, pero tamén pode atoparse nas trompas de Falopio, na vaxina e ata no peritoneo ou o tracto gastrointestinal e urinario.

A pesar de que socialmente a endometriose continúa sendo unha gran descoñecida, estímase que afecta a ó redor do 10% das mulleres en idade fértil en Galicia -unhas 60.000, das cales 9.000 atópanse nun estadío severo desta doenza-,  1,5 millóns de mulleres en España e ó redor de 176 millóns en todo o mundo. Os expertos sinalan que é fundamental concienciar a mulleres e a sanitarios para estar atentos a calquera síntoma anómalo e así evitar que se atrase o diagnóstico, atraso que pode levar a un empeoramento da saúde e de vida da paciente.

Por esta razón, “dende o Concello de Monforte, sumámonos a esta iniciativa, respondendo ó chamamento da Asociación querENDO-Mulleres con endometriose, e queremos facela extensiva a toda a cidadanía iluminando de amarelo a Torre da Homenaxe, para facer visible esta doenza que afecta ó 10% das mulleres en idade fértil en Galicia”.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...