IniciosociedadeO sur da provincia séguese coordinando para axudar a Ucraína

O sur da provincia séguese coordinando para axudar a Ucraína

As mostras de solidariedade do sur da provincia co pobo ucraíno seguen collendo forma a través de diferentes iniciativas. Taboada crea unha plataforma para asegurar a acollida de refuxiados, Chantada que esta sema recibirá a dúas familias ucraínas solicita a colaboración veciñal e Sober celebra o día 26 un concerto solidario.

Publicado o

POR
Redacción
- Advertisement -

O día 19 de marzo creouse en Taboada a Plataforma taboadesa de solidariedade con Ucraína, integrada por asociacións culturais e deportivas (Asociación Cultural O Carballo, Taboada Feminino FS, Taboada Club de Fútbol, Asociación de Comerciantes e Industriais do Municipio de Taboada (ACIMTA), Asociación Cultural Os D’eiquí, Asociación Cultural O Marrao Enxebre, Asociación Festas de Taboada) que deciden así coordinar os esforzos de todos aqueles que queiran colaborar cos refuxiados ucraínos que chegarán ao concello nos próximos meses.

O seu obxectivo é organizarse para asegurar a acollida destes refuxiados e auxilialos economicamente durante os meses que permanezan aquí. Nos próximos días habilitarán canles para reunir fondos e conseguir alimentos, medicamentos, roupa e outros produtos que poidan precisar. “O aloxamento é fundamental polo que se alguén está interesado en ofrecer un domicilio, pode poñerse en contacto connosco. Animamos a todas as asociacións, particulares e empresas do concello que o desexen a que se sumen á nosa iniciativa”, sinalan desde a Plataforma. Contacto: 654 702 096 (Fátima)

E ao Concello de Chantada chegan esta semana dúas familias (oito persoas en total) procedentes de Ucraína. O concello prepara a casa para o acollemento e solicita a colaboración da veciñanza para conseguir distintos utensilios de cociña, mobles de habitacións e roupa de cama e de baño, entre outro material. O material entregarase na igrexa de Chantada (Parroquia de Santa Mariña) e antes de levar nada é imprescindible chamar por teléfono a un destes números:- 647 75 32 19 – Alejandro (Sacerdote)- 982 46 22 99 / 604 08 01 44 – (Servizos Sociais).

Concerto solidario en Sober

O Concello de Sober colabora, no marco do Mes do Amandi, co concerto solidario coas vítimas de Ucraína, que vai ter lugar o sábado, 26 de marzo, ás 22:00 horas na Praza do Toural.

Actuarán Os Parentes e DJ Nacho Morales e Elías Vieira, coa fin de recaudar fondos que irán destinados íntegramente a familias ucraínas. Pídese a colaboración mediante a recollida de achegas económicas que voluntariamente faga a xente que asista ao concerto, que serán doadas ó 100% para contribuír a esta causa. 

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...