Recoñecemento laboral para unha traballadora do Parador de Monforte

O xulgado do social número 2 de Lugo recoñeceu o dereito a unha traballadora do Parador de Monforte a modificar o seu horario e reducir a súa xornada para coidar a súa filla menor.

Torre da Homenaxe e Parador de Turismo de Monforte / aribeirasacra.info

A sentenza, asinada o pasado 28 de marzo e que é firme, concede á traballadora o dereito a modificar o seu horario para estender a súa xornada de 10,00 a 17,00 horas de luns a domingo. Ademais, condena a Paradores a abonar 1.500 euros por danos morais.

A empregada do Parador de Monforte acudira aos xulgados para reclamar á empresa pública de hostalaría o mantemento da xornada que realizaba desde o seu regreso dos permisos de maternidade e lactación. Con todo, a compañía cinguía o cumprimento deste horario ao período entre domingo e xoves, e obrigaba a traballadora a acudir de 11,00 a 18,00 horas os venres e os sábados.

Please wait while you are redirected...or Click Here if you do not want to wait.

DEIXAR UN COMENTARIO

Please enter your comment!
Please enter your name here