IniciosociedadeTomé presenta ao sector do viño da Ribeira Sacra o programa Reiníciate,...

Tomé presenta ao sector do viño da Ribeira Sacra o programa Reiníciate, encamiña o teu futuro

Poderán acollerse ao Reiníciate, encamiña o teu futuro un total de 120 persoas, sen límite de idade, que acrediten levar un ano, como mínimo, inscritas no Servizo Público de Emprego.

Publicado o

POR
Redacción
- Advertisement -

O Presidente da Deputación de Lugo, José Tomé Roca, presentou este mércores no Centro de Interpretación do Viño de Monforte de Lemos o programa Reiníciate, encamiña o teu futuro ante adegueiros e adegueiras da Ribeira Sacra. Unha iniciativa de formación e emprego da institución provincial e a Escola de Organización Industrial (EOI) enmarcada no Plan de Impulso de Economía da Provincia que pretende nutrir ao tecido produtivo de man de obra cualificada a través da formación de persoas desempregadas de longa duración.

O programa, que está dotado con 355.000€, constará dunha parte de formación gratuíta naqueles sectores con alta demanda de persoal capacitado, e doutra parte de formación práctica. Haberá establecidas tres zonas de actuación para impartir as formacións, que comezarán a finais de abril: a zona norte (Burela) a zona sur (Monforte de Lemos) e a zona centro (Lugo).

Todas as persoas participantes acadarán a capacitación básica e clave para acceder a un posto de traballo cualificado. Segundo explicou o Presidente, no caso da formación relacionada co sector do viño, “a formación práctica poderá ser en adegas, e despois crearemos unha bolsa de emprego á que empresarios e empresarias poderán acudir para contratar a este persoal capacitado”. Ademais da formación relacionada co viño, haberá formación noutros sectores con demanda, como a atención sociosanitaria ou os idiomas.

Este plan de formación e emprego busca a inserción laboral e que diferentes sectores profesionais, como o vitivinícola, poida nutrirse de man de obra cualificada.

Reiníciate: dixitaliza a túa empresa é un programa de formación e de asesoramento personalizado e gratuíto para axudar a aproveitar os recursos das novas tecnoloxías para modernizar e para mellorar o seu negocio. Reiníciate: enfoca o teu futuro é unha iniciativa que ten como obxectivo favorecer a inserción no mercado de traballo da xente nova dándolle formación gratuíta e prácticas remuneradas en empresas e entidades en profesións con alta demanda vinculadas coas novas tecnoloxías e coa dixitalización.

Neste último programa está aberto o prazo para que as empresas e asociacións interesadas poidan solicitar unha axuda económica para incorporar a estes rapaces, xa formados, durante un período de tres meses en réxime de prácticas non laborais remuneradas.

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...