O Comité de Empresa do Concello de Monforte de Lemos solicitou, no mes de decembro de 2021, copia das pólizas de seguro dos traballadores despois de que o Alcalde de Monforte, D. José Tomé Roca, anunciara o 1 de decembro de 2021 que, “O Concello de Monforte subscribe por primeira vez unha póliza de accidentes para todos os seus empregados”.

O Comité de Empresa do Concello de Monforte de Lemos solicitaba o acceso ás p´ólizas de seguros despois de que, o 1 de febreiro de 2018, un traballador do Concello de Monforte de Lemos, do servizo de xardíns, perdera parte dos dedos dunha man. Segundo o Comité de Empresa, a Xunta de Goberno local negouse a proporcionar dita información amparándose nun artigo da Lei 19/2013, de 9 de diciembre, de transparencia, acceso á información pública e bo goberno, polo que o Comité de Empresa recurriu directamente ao Valedor do Pobo, a través da Comisión de Transparencia de Galicia.

Esta dalle a razón ao Comité de Empresa do Concello a través dunha resolución (RSCTG 30/22) publicada na páxina web da mesma o día 22 de abril de 2022. E insta ao concello a que, no prazo máximo de 10 días hábiles,
responda á petición de información solicitada, respectando os límites dos artigos 14 e 15 da Lei 19/2013, do 9 de decembro, e o artigo 22 da mesma lei, no que fai á formalización do acceso. Tamén insta ao concellos a que, no prazo máximo de 15 días hábiles, remita a esta Comisión da Transparencia copia do envío ao reclamante da información solicitada.