Esta opción de viaxe permitirá, segundo apuntan desde Renfe, chegar en menos tempo e axustándose aos horarios máis demandados de regreso dos usuarios, que viaxan habitualmente por estudos e en xornadas laborais, principalmente os venres.
Os clientes que viaxen no tren Avant con saída da Coruña ás 15:10 horas, paso por Santiago de Compostela ás 15:38 horas e chegada a Ourense ás 16:18, unha vez cheguen á cidade das Burgas, poderán enlazar co tren que vén de Vigo e pasará por Ourense ás 16.30.
O tren Vigo-Guixar-Ponferrada modifica a súa saída ás 14:10 horas (ata o 7 de maio este tren sae ás 13:55 horas) e continuará viaxe desde Ourense ata as localidades da zona sur da provincia de Lugo, a provincia de Ourense e ata finalizar o traxecto en Ponferrada, cuxa chegada será ás 19:20 horas (en lugar da as 18:49 horas de antes).
Varios colectivos, principalmente de estudantes, solicitaban un horario que lles permitise terminar a súa xornada, especialmente os venres, e poder desprazarse ata os seus fogares nun mellor tempo. Os horarios están dispoñibles en www.renfe.com.