HomesociedadeInnovación do sector primario na comarca de Lemos para atopar novos nichos...

Innovación do sector primario na comarca de Lemos para atopar novos nichos de mercado

O director da Axencia Galega da Calidade Alimentaria, José Luis Cabarcos, visitou este xoves o viveiro de produción de plantas ornamentais A Man de Prado e Oviganic Ibérica S.L., coa que a Consellería do Medio Rural asinou o ano pasado un convenio de colaboración para impulsar o sector ovino e cabrún en Galicia.

Publicado o

POR
Redacción
- Advertisement -

O director da Agacal facía entrega ao viveiro A Man de Prado do diploma acreditativo da mención especial que recibiu no II Foro de innovación produtiva do sector agrario organizado pola Xunta e celebrado en Santiago de Compostela o pasado día 10 de febreiro.

A iniciativa premiada -que contou cunha subvención da Xunta de preto de 80.000 euros- estaba centrada na elaboración sustentable de tepes para tres usos distintos: cubertas verdes extensivas, taludes e xardíns tipo macizo de alto valor engadido.

En colaboración coa Fundación Juana de Vega, coa Universidade de Santiago (USC) e coas empresas Arborejardin e Orgánica de Sustratos (grupo Costiña), partiuse dun estudo de mercado para facer unha selección e avaliación de plantas adaptadas a diferentes usos e condicións ambientais -incluíndo as autóctonas- para logo avaliar o medio de cultivo e o soporte de enraizamento e, finalmente, testar o conxunto de plantas soporte.

O proxecto, que incluía un estudo final de custos no escalado da produción destes tepes en viveiro e do uso en xardinaría, tamén perseguía avanzar na inclusión do formato tepe na norma de calidade de planta ornamental de Galicia. Búscase a redución das malas herbas e da necesidade de uso de fitosanitarios nas obras de xardinería, o uso de substratos de natureza renovable e sustentable no canto de turba, a redución da perda de solo en taludes revexetados, a mellora da eficiencia enerxética de edificios nos que se instalan cubertas axardinadas, entre outras cuestións.

Oviganic Ibérica

Ademais de Sober, en Monforte visitou a empresa Oviganic Ibérica S.L., coa que a Consellería do Medio Rural asinou o ano pasado un convenio de colaboración para impulsar o sector ovino e cabrún en Galicia. Desde a Agacal búscase afondar na colaboración xa iniciada o pasado ano, para seguir dándolle un pulo á produción de leite de cabra ou de ovella e á súa transformación en territorio galego, en liña co recollido na Estratexia de dinamización do sector lácteo de aumentar o valor engadido do leite producido na comunidade.

Oviganic Ibérica produce queixo amparado pola denominación de orixe protexida Queixo Tetilla, a través da fábrica de Queserías Prado adquirida en 2021 xunto coa sociedade gandeira compostelá Leite Noso.

ÚLTIMAS

600 alumnos de oito centros  da Ribeira Sacra participan en Monforte no Correlingua

O Parque dos Condes reuniu aos mozos e mozas de colexios e institutos baixo...

Recollida de plásticos agrícolas nas parroquias de Monforte este 27 de maio

A recollida de plásticos agrícolas levarase a cabo dende primeira hora da mañá e...

Chantada promociónase en Festur 2024 do 30 de maio ao 2 de xuño

O Concello de Chantada participa un ano máis en Festur 2024, X Feira de...

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...