Desde o concello informan de que a última petición é moi similar á presentada polo anterior familiar: “manifiesto que si la ley lo permite y ante las discrepancias del Sr. Cela, albacea designado por nuestra prima con ese Concello, reclamaré la herencia que me pueda corresponder por medio de letrados que se designarán, a partir del año 2026”.

Nesta situación o concello insiste en lamentar “as declaracións irresponsables e irrespectuosas da sra. Concelleira e Voceira do Partido Popular, Dª Katy Varela, fixera no seu día en relación con este asunto, especialmente dirixidas tanto contra o Alcalde como contra o Secretario do Concello. Afirmacións feitas dende o descoñecemento, o que a leva a incorrer en falsidades de xeito permanente.”

Insisten tamén en que coa aparición destes familiares de cuarto grado da sra. Foggia, o Alcalde, José Tomé Roca, tiña razón cando manifestaba a posibilidade que que algún familiar lonxano da Sra. Foggia reclamase a herdanza. Dende o Concello, “non se descarta que poidan seguir aparecendo familiares, o cal reafirma as sospeitas manifestadas polo rexedor municipal,” afirman e pídenlle á voceira popular que “pida desculpas ós monfortinos e monfortinas e ao Sr. Secretario do Concello, polas acusacións que verteu contra a súa profesionalidade en relación con este tema.”