Para este acto de graduación contouse coa colaboración e apadriñamento
da pediatra do Hospital de Ferrol, María Bocanegra, alumna da primeira
promoción de BAC do instituto en 2002, hai xa 20 anos, e que fora
premio extraordinario daquela promoción.
Nun acto cargado de mostras de agarimo entre profesores e alumnos,
interviñeron, Diego Xesús López, profesor de Historia, en representación do
profesorado, catro alumnas dos 3 grupos de BAC e a profesora de Lingua
Galega e Literatura, Olga Novo, que recitou un poema inédito sobre o amor que dedicou ó alumnado graduado.
Despois da colocación de bandas e entrega de orlas ós bachilleres e
visualización dun vídeo resume do seu paso polo IES A Pinguela, moitos desde 1º ESO, pechou o acto o director do instituto.
A xornada rematou cunha cea de confraternidade nun restaurante monfortino. “Desexámoslle a todos o mellor. Levan base académica e persoal para ser uns marabillosos profesionais e unhas excelentes persoas. Sempre seguiremos sendo a súa casa, onde son apreciados por todos os que os coñeceron. Boa sorte, amigos!!!!”, conclúen desde o IES A Pinguela.
