HomesociedadeMáis de 400 días esperando por un sinal turístico da Ribeira Sacra...

Máis de 400 días esperando por un sinal turístico da Ribeira Sacra na Pobra do Brollón

A asociación de veciños de Vilachá de Salvadur tiña solicitado a colocación na N-120 dun sinal turístico para as adegas de Vilachá, pero pasou máis dun ano sen que os Ministerios correspondentes fixeran nada. Agora a veciñanza solicitará unha resposta e a implicación da Administración na protección, posta en valor e mellora das adegas. "Dende que se declararon BIC, as adegas non contaron cunha soa intervención de mellora ou de conservación por parte da Administración. Todo recae no esforzo da veciñanza da parroquia", sinalan.

Publicado o

POR
Redacción
- Advertisement -

A Asociación de Veciños/as de Vilachá de Salvadur presentou unha solicitude, con data de xaneiro do 2021, na cal pedía a colocación dun sinal referente á Ribeira Sacra na N-120, ao seu paso pola Pobra do Brollón.

A entidade veciñal, que tramitou esta petición a través do concello, reclamaba que no desvío da N-120 a Vilachá de Salvadur, á altura da gasolineira, se instalase o correspondente sinal de turismo conforme ao manual de sinaléctica do Ministerio de Fomento e do Ministerio de Turismo.

Máis dun ano despois ambos ministerios seguen sen responder á solicitude. A asociación veciñal sostén que “é impensable que a colocación dun sinal deste tipo se demore máis de 400 días” cando se trata dunha parroquia que conta cun elemento singular, polo seu valor etnográfico, dentro da candidatura da Ribeira Sacra á UNESCO: as adegas milenarias.

“Se no alto estivese un mosteiro medieval ao estilo de Ribas de Sil, tardaría tantísimo tempo?”, pregúntanse dende o colectivo veciñal. “A nivel de protección e de figura cultural vale tanto os Escolapios de Monforte como as nosas Adegas porque ambos elementos teñen a categoría de BIC. Pero parece que dentro desta hai distintas clases e niveis”, insisten.

ÚLTIMAS

Máis dun cento de persoas asisten á proxección de Reboiras en Monforte

Ao remate da proxección tivo lugar un coloquio no que interviron dous militantes da...

Tomé inaugura o VII Festival do Viño da Ribeira Sacra de Monforte coa participación de 3O adegas

Aproveitando a súa intervención, Tomé anunciou que a Deputación Provincial asinará en breve un...

Remátase o muro de sostemento en Gradín para garantir a seguridade viaria en Láncara

Os traballos consistiron na execución dun novo muro de sostemento e na renovación da...

O Concello de Chantada reforza a sinalización turística do Monte Faro

Os novos sinais instalados, mencionan a igrexa de Santiago de Requeixo, a ermida de...