IniciosociedadeDispositivo de seguridade para a romaría do San Mateo en Monforte

Dispositivo de seguridade para a romaría do San Mateo en Monforte

O 21 de setembro Monforte celebra a tradicional romaría do San Mateo na parroquia da Parte, un decorado natural onde conflúen os ríos Cabe e Mao e no que cada ano se xuntan ducias de familias.

Publicado o

- Advertisement -

Na reunión da Xunta Local de Seguridade para ultimar o dispositivo que se vai poñer en marcha para a romaría,  acordouse establecer un único sentido de circulación na estrada de acceso ao campo da festa. Contarase cunha ambulancia contratada polo Concello, por se fose preciso atender a algunha persoa. Tamén haberá un dispositivo contraincendios, no que colaborará a Consellería de Medio Rural cunha motobomba e cunha brigada.

O dispositivo de seguridade estará dirixido pola Policía Local, que contará coa colaboración da Policía Nacional e da Garda Civil de Tráfico. Os axentes da Garda Civil vixiarán as saídas e as entradas ao lugar da romaría. A noite do 20 de setembro, na que previsiblemente moita xente faga acampada, haberá xa unha patrulla da Policía Nacional na zona.

Desde o Concello desenvolvéronse traballos de limpeza e desbroce do treito que hai entre Ribasaltas e a igrexa da Parte. O obxectivo é ter o sendeiro en boas condicións para que os romeiros se animen a ir e volver a pé.

Mentres desde o PP local piden ao equipo de goberno que se fagan as xestións oportunas para contar con servizo de transporte público entre a cidade e a romaría como en anos anteriores.

Plano dispositivo de seguridade / Concello de Monforte

ÚLTIMAS

Unha apertura de portas nun encoro pon en perigo a dous pescadores en Carballedo

Os pescadores puideron saír polos seus propios medios despois de pedir axuda ao 112...

Primeira xuntanza sobre “Comunidades de Montes Veciñais e en Man Común, Montes de Saberes”, o 24 de abril ás 16:30 no auditorio de Escairón

A actividade enmárcase no proxecto Comunidades Rurais Sostibles desenvolvido por Acción contra a Fame...

Os libros protagonizan varias actividades en Bóveda

O programa Ler Conta Moito trouxo este martes ata o Centro Sociocultural de Bóveda...

Mes dos Libros e das Letras Galegas na Biblioteca Municipal de Chantada

A primeira proposta será o 26 de abril ás 18:00h con Conta e canta...