IniciosociedadeA AGACAL organiza en Monforte un curso de manipulación de fitosanitarios

A AGACAL organiza en Monforte un curso de manipulación de fitosanitarios

A actividade desenvolverase no Centro de formación e experimentación agroforestal (CFEA) de Monforte de Lemos, entre o 14 e o 30 de xuño e terá unha duración total de 35 horas, 27 delas en liña e as 8 restantes de xeito presencial.

Publicado o

POR
Redacción
- Advertisement -

O obradoiro aborda tanto aspectos teóricos coma prácticos de índole hixiénica, sanitaria, normativa e laboral. Esta iniciativa está dirixida á xuventude do medio rural galego, así coma ás persoas vinculadas profesionalmente, ou con expectativa de incorporación, aos sectores produtivos gandeiros, agrarios, agroalimentarios e de cadea forestal-madeira.

A Axencia Galega da Calidade Alimentaria, a través da formación non regrada e dentro do Plan de formación continua 2022, pretende contribuír á formación axeitada dos usuarios e operadores de fitosanitarios para que acaden o nivel adecuado para cumprir coa normativa vixente e saiban usar estes produtos de xeito sostible, eficiente e seguro. A modalidade semipresencial do curso ten como obxectivo que os alumnos poidan compaxinalo coa súa vida laboral mediante a formación na rede á vez que gozan tamén dunha formación presencial que lles permita practicar e observar o aprendido in situ.

Neste enlace pode atoparse o referido curso e facer a pre-inscrición en liña cubrindo os datos necesarios. O coordinador poñerase en contacto coas persoas interesadas a través do correo electrónico comunicándolle se está ou non admitido. Para consultar calquera dúbida, pode chamarse ao teléfono 982 889 103, ou enviarse un correo a ceca.monforte@edu.xunta.gal.

ÚLTIMAS

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...

A xornalista, Lucía Rodríguez, con raíces en Sober, pregoará a Feira do Viño de Amandi

O concello de Sober deu a coñecer este mércores o nome da persoa que...