O Club de Montañeiros Celtas ensina montañismo no colexio do Courel

O Club de Montañeiros Celtas, en colaboración co Xeoparque Montañas do Courel e o Concello de Folgoso do Courel, vai realizar varias actividades no CPI Poeta Uxío Novoneyra os vindeiros días 13 e 14 de xuño.

A axenda comezará o luns, 13 de xuño, arredor das dez da mañá coa presentación e explicación das actividades de orientación. Tamén haberá un agasallo para todos os nenos e nenas participantes.  Ás 11:00 horas os alumnos e alumnas de Educación Infantil e Primara farán una marcha de orientación na aldea de Parada. 

Ao remate, arredor das 12:15 horas haberá un relatorio sobre a ‘Ascensión ao Annapurna (8091m)-Himalaia’, por Sechu López, o primeiro galego en subir a este monte, considerado un dos máis difíciles do mundo. A actividade diríxese a alumnas e alumnos de Secundaria.

A axenda retómase o martes día 14 ás 11:00 horas cunha marcha de orientación na aldea de Moreda para alumnos e alumnas de Secundaria.

DEIXAR UN COMENTARIO

Please enter your comment!
Please enter your name here