Do orzamento que aprobou o Consorcio de Turismo da Ribeira Sacra, máis dun millón de euros correspóndense con proxectos do Plan de Sostibilidade Turística.

Na mesma sesión plenaria, celebrada no Concello da Peroxa, procedeuse coa elección de novo Vicepresidente logo de que J. César Parente Pérez deixase a alcaldía de Nogueira de Ramuín. Foi elixido por unanimidade no posto o seu sucesor na alcaldía do concello ourensán, Julio Carlos Temes Pereira.

E este venres, 1 de xullo, comezou a funcionar o servizo turístico de microbús lanzadeira, que conecta Escairón coa Praia da Cova ata o 12 de setembro. Pode accederse ás Reservas neste enlade. Tamén bota a andar novamente o servizo público para o acceso ao Mosteiro de Santa Cristina ata o 18 de setembro.