Geni, concelleira de Educación, Muller, Igualdade e Xuventude, entregou aos responsables dos centros educativos sarriaos 34 exemplares dedicados ás diferentes etapas educativas co obxectivo de promover diferentes valores para a convivencia. No caso da biblioteca foron 35 exemplares e 17 exemplares no caso da Escola Infantil Xela Arias. En total calcúlase que se distribuiron entre os oito centros uns 256 exemplares.
Esta acción encádrase dentro das seguintes medidas do Pacto de Estado contra a violencia de xénero:
-Incluir en todas as etapas educativas a prevención da violencia de xénero, do machismo e das conductas violentas, a educación emocional e sexual, a igualdade, incluíndo ademais nos currículos escolares os valores da diversidade e a tolerancia.
-Desenvolver campañas de prevención e de sensibilización con mensaxes positivos, unitarios e adaptados ás esixencias de cada momento, implicando á sociedade no seu conxunto e elixindo os momentos máis favorables para a súa difusión, como por exemplo, os veráns. Esas campañas deben focalizarse no rexeitamento ao maltratador e presentar exemplos de mulleres fortes e valentes, sen recorrer ao cliché das vítimas.
Segundo fontes do Concello de Sarria, “desenvolvéronse oito bibliotecas coeducativas para os colexios: A Merced, A Asunción, Antonio Fernández López, Frei Luis de Granada, Escola Infantil Xela Arias e os insitutos, Gregorio Fernández e Xograr Afonso”.
