CCOO pregúntase como o alcalde e o seu grupo “que din ser socialistas votan contra contra un dereito das traballadoras para ter un convenio digno e unha subida salarial do 6,5% (IPC ano 2021) con sentenzas do TSJ de Galicia.”
O sindicato asegura non entender “os intereses espurios dun equipo de goberno conformado por un 80% de sindicalistas dos distintos sectores de Monforte (sanitarios, agrarios, educación, servizos)”.
A Secretaria de Acción Sindical considera que o pleno do pasado día 26 xullo “vai pasar aos anais da historia do municipalismo da provincia para quedar retratados os concelleiros sindicalistas por ir en contra dunhas traballadoras esenciais ás que lle pedirán o voto nas próximas eleccións municipais dentro de 10 meses”. Remata o sindicato lembrándolle a Tomé que o recurso que plantexa o concello “vai levar a un colapso do SAF”.
