O IX Campus de Voleibol que organiza o Club Voleibol Ribeira Sacra destínase aos nenos e nenas a partir de 6 anos ata os 16 que queiran probar ou perfeccionar o voleibol.
O Campus estará impartido por adestradoras da talla de Yoraxy Meleán e Laida Alvarado ademais de adestradoras de equipos base do club, este campus xa é a antesala ao comezo da tempada que dará comezo a primeiros de Setembro.
O último día do Campus, o día 26, farase entrega a todos os participantes dunha camiseta e unha medalla conmemorativa do Campus. Desde o club animan a todos os nenos e nenas a que se apunten xa que serán xornadas divertidas e cheas de actividades.
