As actuacións forman parte do ciclo “Grupos de Monforte. Concertos na rúa”, un novidoso programa que se está a desenvolver nos meses de agosto e setembro. Nel participan todas as formacións musicais actuais que están en activo en Monforte tratándose, en verbas do Alcalde cando se fixo a presentación oficial do mesmo, “dunha aposta decidida do Concello por dar visibilidade e poñer en valor ós nosos grupos musicais da cidade”.
Tras as actuacións de Cero2Cero, Cool Flanders e Los Jinetes del Trópico os días 8 e 9 de agosto, esta semana hai programados dous días máis de concertos para rematar a programación fixada para o mes de agosto. Aquí as datas, escenarios e horarios.
Martes 23/08 DINOSAURIOS na Praza da Estación ás 22:30h
Martes 23/08 DOC MAGOO’S na Praza da Estación ás 00:00h
Mércores 24/08 PENNY LANE na Zona Compañía ás 22:30h
Mércores 24/08 MOVILLA Y LOS IRREPETIBLES na Zona Compañía ás 00:00h
Adiantándonos a setembro, e xa como fin ao ciclo, está previsto que actúen Bella Chaos, Ad Hera Liti e Deloreans o xoves e venres 1 e 2 de setembro, os primeiros na Praza de Estación e os seguintes na Praza de España.
