HomesociedadeEscairón celebra o 28 de agosto a Feira do Cabalo

Escairón celebra o 28 de agosto a Feira do Cabalo

Pilar García Porto felicitou aos organizadores polo seu traballo e invitou á veciñanza da provincia a achegarse o domingo a Escairón “para gozar de todas as actividades que nos teñen preparadas dende a Asociación de Cabaleiros do Saviñao, e tamén das paisaxes, do patrimonio e da xente deste concello”.

Publicado o

POR
Redacción
- Advertisement -

A Feira do Cabalo de Escairón comezará ás 9:00 horas do día 28 de agosto coa apertura do Mercado Gandeiro da localidade para os participantes das carreiras de andadura, a ruta cabalar e o concurso morfolóxico, que terán lugar pola mañá.

Xa en horario de tarde serán as carreiras de galope, xincanas e o espectáculo ecuestre a cargo de Duende Ecuestre, que será ás 19:00 horas. Durante toda a xornada entregaranse premios aos mellores equinos nas categorías de andadura, morfolóxica, galope e xincana e sortearase un poldro.

A Deputada de Réxime Interior, Promoción do Territorio e Turismo, Pilar García Porto, presentaba a cita no Pazo de San Marcos. No acto participaron membros da organización, Judith López e Marcos Varela,  da Asociación Cabaleiros do Saviñao, coa que colabora a institución provincial cunha aportación económica de 2.500€ para a celebración da cita.

García Porto destacou a importancia desta feira para “visibilizar o gran peso que ten na provincia o sector primario e potenciar esta actividade, que é fundamental para a economía e para o emprego e, polo tanto, para fixar poboación e para o futuro do noso rural”.

A Deputación apoia a celebración desta xornada porque, “precisamente, apoiar e potenciar o sector primario, da man dos propios produtores e do tecido asociativo, ademais de promover un tipo de turismo de calidade, sostible, que coida o noso patrimonio e que deixa valor no territorio, son dúas das liñas de traballo prioritarias que estamos desenvolvendo dende a Deputación de Lugo”, explicou a Deputada.

ÚLTIMAS

Campus de Voleibol e de Fútbol en Quiroga

O Concello de Quiroga poñerá en marcha un ano máis, e xa van 5,...

O Concello de Chantada aumenta a capacidade e mellora os servizos do punto limpo

O Concello de Chantada vén ampliando e mellorando o punto limpo do municipio desde...

305.000€ para un novo aparcadoiro no Polígono do Reboredo en Monforte

O aparcamento actual, que se ubica na marxe esquerda da vía principal do Polígono,...

Aberto o prazo para a ludoteca de verán de Triacastela

As actividades da ludoteca terán horario de 09:30 a 14:00 horas. Ofértanse 20 prazas...