Homesociedade"A Lagoa do Parque de Cobas, suporá un antes e un...

“A Lagoa do Parque de Cobas, suporá un antes e un despois nesta zona de Monforte”, asegura Tomé

O Alcalde de Monforte, José Tomé Roca, acompañado polo presidente da Confederación Hidrográfica Miño-Sil, José Antonio Quiroga, a Tenente de Alcalde, Gloria Prada, e o Concelleiro de Obras, Medio Rural e Servizos, José Luis Losada, visitou este mércores as obras que se están a desenvolver para o acondicionamento e mellora da Lagoa do Parque de Cobas.

Publicado o

POR
Redacción
- Advertisement -

As obras abordan o acondicionamento da Lagoa do Parque de Cobas e a construción dunha nova presa desmontable, unha actuación que conta cun orzamento de practicamente 700.000 euros, concretamente 695.980,64 euros, a cargo da Confederación Hidrográfica Miño-Sil.

“As obras que se están a desenvolver” explicou o rexedor municipal “consisten na execución dunha serie de actuacións ambientais na área de A Pinguela, para poñer en valor esa zona, o que leva consigo a recuperación da zona da lagoa con actuacións que habiliten un espazo para uso e disfrute da poboación”. O proxecto leva a cabo o acondicionamento da Lagoa do Parque de Cobas, a construción dun paseo que conformará un circuíto ó seu arredor e a instalación dunha nova presa desmontable.

“O proxecto suporá un antes e un despois para a zona da lagoa da Pinguela e o parque de Cobas, que estaba degradada”, salientou o Alcalde. Con esta mellora, completarase unha ampla zona de recreo de preto de 3 hectáreas (30.000 m2).  

O Presidente da C.H. Miño-Sil anunciou que “as obras avanzan a bo ritmo e a estimamos que finalicen a finais de outubro”. As obras deron comezo a finais do pasado mes de xuño.

ÚLTIMAS

Bóveda mellora a eficiencia enerxética en instalacións municipais

Acometéronse dúas actuacións diferenciadas. Por un lado, levouse a cabo a mellora da eficiencia...

“Antes de nós”, filme sobre Castelao na Casa da Cultura de Quiroga

Este sábado, 29 de novembro, ás 18:00h a Casa da Cultura de Quiroga acolle...

‘Peitoescuro’ desvela a derradeiro capítulo da súa triloxía audiovisual

Primeiro foi 'Alvorada', despois seguiulle 'Metamorfose', e agora chega a terceira peza final da...

Presentación literaria de Rochi Nóvoa na Librería Papelotes de Monforte

A Librería Papelotes de Monforte de Lemos acolle unha actividade na que se dará...