O Concello de Monforte, a través do Centro de Información á Muller (CIM), imparte este programa que se desenvolverá no centro cívico e social entre o 9 e o 24 de outubro, en horario de 10.00 a 13.00.

As asistentes aprenderán a desenvolver habilidades persoais e sociais así como competencias para mellorar a súa empregabilidade. O programa permitirá ás participantes concretar mellor o seu obxectivo laboral e desenvolver a súas habilidades e competencias para o emprego, utilizando as técnicas máis adecuadas e os recursos que ofrece internet.

Esta actividade forma parte do conxunto de actos programados para conmemorar o Día da Muller Rural, que se celebra o vindeiro 15 de outubro.

A inscrición pode facerse no CIM, ubicado no Centro Cívico. Teléfono 982 41 63 50, email: cim@concellodemonforte.com