Actividades na Unión de Sarria

Esta entidade cultural presenta un completo programa que abrangue case todos os días da semana.

Sociedade La Unión de Sarria / XMF

A entidade cultural A Unión de Sarria ofrece un amplo abano de actividades para socios e socias que se desenvolverán entre outubro de 2022 e xuño de 2023.

Os luns ás 19:30 h. está programado “Cantareir@s”, un curso no que se traballarán os cantos de taberna; os martes haberá ximnasia ás 18:00 h. e karate ás 19:30 h; os mércores será a quenda de Pilates ás 19:00 h.; os xoves ademais de ximnasia –á mesma hora que os martes– haberá Ioga e Baile en Línea, ás 19:00 e ás 20: 30 h. respectivamente; o venres Pandeireta nivel avanzado ás 18:00 h. e Baile de Sevillanas ás 19:30 h. Para o domingo queda o Cine Club.

Dende a Directiva informan que outras dúas actividades, “Baile de Salón” e “Pandeireta/Instrumentos percusión (iniciación)”, están pendentes de saber se hai interesadas/os dabondo para conformar grupo. En calquera caso, o teléfono para anotarse en calquera das opcións é o 670 202 255.

DEIXAR UN COMENTARIO

Please enter your comment!
Please enter your name here