O programa de formación ‘Galegas Dixitais’ ofrecerá a mulleres de Quiroga a posibilidade de seguir os seguintes os cursos:
–Competencias dixitais básicas, no que se impartirán coñecementos dixitais básicos para o día a día. Impartirase entre o 13 e o 26 de outubro.
–Competencias dixitais avanzadas, no que se impartirán coñecementos dixitais para o traballo. Impartirase entre o 31 de outubro e o 15 de novembro.
–Competencias dixitais para o emprendemento, no que se impartirán coñecementos dixitais para o negocio. Impartirase entre o 18 de novembro e o 1 de decembro.
Os tres cursos impartiranse na Casa da Cultura de Quiroga, en horario de 9:00 a 14:00 h., cun total de 40 horas cada un. As mulleres interesadas en ter máis información poden solicitala a través do correo electrónico lugo@galegasdixitais.es ou por medio do whatsapp no número 698197518. Para inscribirse poden facelo a través do formulario da páxina web galegasdixitais.es e tamén na selección que terá lugar o venres 7 de outubro á 13:00 h. na Casa da Cultura.
Todas as participantes no curso terán acceso a formación gratuíta e ademais recibirán un computador portátil Chromebook de agasallo. Os requisitos fundamentais son ser muller e estar desempregada ou rexistrada como demandante de mellora de emprego.
ORGANIZACIÓN E FINANCIAMENTO
A formación está organizada polo Ministerio de Traballo e a Xunta de Galicia a través de Beproject e ARA Formación, en colaboración co Concello de Quiroga e financiada a través dos fondos Next Generation da UE e do Plan de Recuperación, Transformación e Resiliencia da Unión Europea.
