IniciosociedadeVolven os domingos polo Camiño de Inverno que organiza o concello da...

Volven os domingos polo Camiño de Inverno que organiza o concello da Pobra do Brollón

O Concello da Pobra do Brollón retoma 'Coñece o teu Camiño, paso a paso', unha proposta para que veciños e veciñas da Pobra do Brollón poidan completar o Camiño de Inverno. A iniciativa iniciouse en 2019, dentro do plan O Teu Xacobeo da Xunta, co obxectivo de percorrer o Camiño dende Nocedo ata Santiago en dez etapas. En 2020, a actividade quedou paralizada por mor da pandemia, completadas sete das etapas previstas.

Publicado o

POR
Redacción
- Advertisement -

No presente mes de outubro, o Concello da Pobra do Brollón propón realizar as últimas tres etapas dende Silleda ata Santiago de Compostela. Serán os domingos 16, 23 e 30, con saída ás 8:00 dende A Pobra do Brollón. Tras completar cada etapa, pola tarde inclúese unha visita a algún lugar de interese próximo.

Desta vez, ao non estar a actividade subvencionada pola Xunta, é preciso abonar 10 euros por etapa, que inclúen o desprazamento en bus e a guía. A comida non está incluída; a idea é tipo xantar de campo, levando cada persoa a súa comida e bebida.

Para participar é obrigatorio anotarse no teléfono 637820233. O prazo de inscrición acaba o mércores antes de cada etapa. 

ÚLTIMAS

A Subida a Taboada inaugurará o Campionato Galego de Montaña os días 27 e 28 de abril

O vicepresidente da Deputación e deputado de Deportes, Efrén Castro, reuníuse este martes co...

Campaña de xuntanzas veciñais do PP de Monforte “para buscar solucións ás reclamacións de barrios e parroquias”

A Agrupación Municipal do Partido Popular de Monforte de Lemos comeza unha campaña de...

Charla do Plan Maior Seguridade o día 18 de abril en Chantada

A actividade forma parte do Plan Maior Seguridade, que promove o Ministerio do Interior...

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...