A Deputación entrega desfibriladores ás comisarías da Policía Nacional en Lugo, Monforte e Viveiro

José Tomé recibiu no Pazo de San Marcos á Subdelegada do Goberno en Lugo, Isabel Rodríguez, ao xefe provincial da Comisaría da Policía de Lugo, José María Esteban Corral, o inspector xefe da Comisaría Local de Viveiro en funcións, Roberto Saa Ramos, e á inspectora xefa da comisaría de Monforte de Lemos, Mónica Gutiérrez.

Entrega desfibriladores policía / Deputación Provincial

O Presidente enmarcou esta colaboración na vontade da institución provincial de cooperar con outras administracións e cos corpos e forzas de seguridade do Estado para sacar adiante iniciativas en beneficio da cidadanía.

Pola súa parte, a Subdelegada do Goberno en Lugo agradeceu á Deputación e ao seu Presidente a colaboración coas Forzas e Corpos de Seguridade de Estado para que as tres Comisarías da Policía Nacional na provincia conten con este novo equipamento, que protexerá ao persoal de servizo e a calquera cidadán ante unha emerxencia cardíaca, “pois é un beneficio para o conxunto da provincia”.

Os expertos en cardioloxía aseguran que, en situación de parada cardiorespiratoria, cada minuto que pasa sen atención diminúe nun 10% a probabilidade de supervivencia. Ao cabo de dez minutos, as posibilidades son mínimas, polo que a reanimación debe comezar de forma inmediata ou o máis rápido posible. Por iso, dixo Tomé, “é tan importante contar con equipos desfibriladores nas instalacións e espazos públicos para reducir ao mínimo posible o tempo de reposta ante unha parada respiratoria. Estamos falando da diferencia entre a vida ou graves secuelas, ou mesmo a morte”.

DEIXAR UN COMENTARIO

Please enter your comment!
Please enter your name here