O 17 de novembro taller práctico en Monforte de consulta do rexistro oficial de produtos e material fitosanitario

A acción formativa celebrarase no Centro de Formación e Experimentación Agraria de Monforte en horario de 9,45 a 14,30 horas.

Desescalada Monforte / XdL

A AGACAL organiza un taller práctico de consulta do Rexistro Oficial de Produtos e Material Fitosanitario, o vindeiro xoves 17 de novembro no Centro de Formación e Experimentación Agraria de Monforte de Lemos en horario de 9,45 a 14,30 horas.

O taller ten como obxectivo que os alumnos fagan un uso correcto do caderno de explotación para garantir a trazabilidade dos produtos agroalimentarios e conseguir que saian ao mercado nas condicións esixidas pola normativa. Tamén, abordará os límites máximos de residuos que impón a Comisión Europea con respecto á seguridade alimentaria para asegurar o cumprimento da lexislación vixente nesta materia.

Esta formación está dirixida á xuventude do medio rural galego, así como ás persoas vinculadas profesionalmente, ou con expectativa de incorporación, aos sectores produtivos gandeiros, agrarios, agroalimentarios e de cadea forestal-madeira.

Nesta páxina pode atoparse o referido curso e facer a pre-inscrición en liña cubrindo os datos necesarios. O coordinador porase en contacto coas persoas interesadas a través do correo electrónico comunicándolles se están ou non admitidas. Para consultar calquera dúbida, pode chamarse ao teléfono 982 889 103, ou enviarse un correo a ceca.monforte@edu.xunta.gal.

DEIXAR UN COMENTARIO

Please enter your comment!
Please enter your name here