Abrir os servizos hixiénicos do albergue de Diomondi a todos os peregrinos, solicita a AV do Saviñao

A Asociación veciñal do Saviñao diríxese á S.A. de Xestion do Plan Xacobeo (Conselleria de Turismo) coa intención de solicitar o uso público dos servizos hixiénicos do albergue Aida Menéndez de Diomondi.

Albergue Diomondi interior / ABF

A igrexa románica de Diomondi, declarada Ben de Interese Cultural, recibe numerosas visitas pola súa importancia arquitectónica. Ademais, comeza a ser numeroso o número de peregrinos que fan o Camiño de inverno e transitan por alí.

O albergue está situado no Pazo obispal, un edificio contiguo á igrexa, “parece lóxico que as persoas que visitan o templo románico poidan usar os servizos sanitarios do albergue”, sinala a asociación, “non obstante, a nosa asociación recibiu queixas de visitantes aos que se lles negou o acceso a estas instalacións.”

Dado que o albergue é un edificio público que forma parte da rede do Camiño de Santiago e que non existen outros servizos hixiénicos nos arredores, a AV considera que se lles debe permitir o acceso ás súas instalacións sanitarias ás persoas que se achegan á igrexa de Diomondi, o que contribuirá a manter a limpeza no entorno do conxunto monumental.

DEIXAR UN COMENTARIO

Please enter your comment!
Please enter your name here