“Fortes”, o BNG Lugo Sul celebra o acto central do 25N en Quiroga

Nesta xornada os nacionalistas organizan diferentes actos co obxectivo de contribuír para poñer fin á violencia machista. Para a campaña deste 25-N trabállase co lema de ‘Fortes’ nun intento de xerar igualdade nas concepcións sobre os xéneros.

Letreiro que anuncia a entrada en Quiroga / XdL

Nas comarcas do sur de Lugo os nacionalistas celebrarán este ano o acto central do 25N en Quiroga tendo ao BNG da localidade como anfitrión.
“A violencia é sempre unha anomalía, e como tal ten que ser tratada. A educación é a única arma real” lembran dende a organización comarcal do Bng.

Actos programados

  • Ás 20:00h na Casa da Cultura de Quiroga terá lugar unha charla-coloquio conducida por Rosa Ana Prieto Florines, responsable comarcal da formación. O obxectivo deste encontro aberto e público, en palabras dela, é “reflexionar sobre o 25-N desde a súa existencia até a súa eficacia”.
  • Ás 21:00h celebrarase unha concentración na Praza España con lectura do Manifesto do 25-N no que baixo o lema ‘Fortes’ pedirán de novo a fin da violencia de xénero.

DEIXAR UN COMENTARIO

Please enter your comment!
Please enter your name here