FEMforte no 25N

Monforte celebrou este 25N coa lectura do manifesto ás 12:00 horas na Praza do Concello. Nesta xornada tamén organiza concentración FEMforte que para o día 27 celebra unha andaina tamén por este motivo.

Na celebración do Día Internacional contra a Violencia de Xénero, a concelleira de Muller e Igualdade de Monforte leu o manifesto contando coa presenza do alumnado dos centros educativos da localidade, que deixaron as súas mensaxes de repulsa nunha urna facilitada polo Concello, urna que quedará colocada na entrada da Casa Consistorial durante todo o resto do mes de novembro para todas aquelas persoas que o desexen poidan deixar as mensaxes de repulsa contra a violencia de xénero. O acto rematou cun minuto de silencio polas vítimas de violencia de xénero.

Únese a este 25N, como cada ano, FEMforte, que este venres convoca concentración na Praza de España ás 20.30, e o domingo, 27 ás 12:00 celebra andaina contra a violencia machista. A saída farase dende a Praza de España para rematar nos Escolapios, cun percorrido de 4,6 km. ao que se pode sumar no momento que queira quen o desexe.

DEIXAR UN COMENTARIO

Please enter your comment!
Please enter your name here