O Concello instalou durante a pasada semana, 6 novos colectores para a recollida de roupa usada na cidade. Os novos colectores engádense ós 12 xa instalados en 2020, cando o Concello autorizou dita instalación e xestión á empresa Texlimca S.A. Son colectores destinados á recollida de roupa usada, calzado e restos de produtos téxtiles, definidos na Lista Europea de Residuos (Orde MAM/304/2002, de 8 de febreiro).
As novas ubicacións son:
- Rúa San Lázaro.
- Rúa Escultor Francisco Moure.
- Rúa Chantada.
- Rúa Corredoira.
- Rúa San Pedro.
- Rúa Ourense
Estes 6 novos colectores engádense ós 12 que xa viñan funcionando no Campo de San Antonio, Rúa Chantada, Avenida de Galicia, Rúa Estrella, Paseo do Malecón, Praza da Estación, Paseo de Lugo, Estacionamento do Parque dos Condes, Rúa Ourense, Rúa Morín, Rúa Corredoira e A Florida.
Os colectores están deseñados especificamente para a recollida téxtil, cun volume útil aproxomado de 2,7 m3. Son ademais colectores adaptados coa boca de entrada na parte posterior para facilitar o depósito da roupa ó cidadán, que poderá acceder ó colector dende a mesma beirarrúa para non ter que bordear o colector pola calzada.
