A Túa Xanela anima o Nadal

A comercializadora de internet e móbil chantadina achega Papá Noel e atraccións para a cativada nestas datas.

A Túa Xanela naceu en Chantada no 2021 co obxectivo de ofrecerlle conectividade á veciñanza do sur de Lugo.

Estase expandindo pola comunidade galega contando a día de hoxe cunha rede de máis de 50 municipios e uns 30 puntos de venda nas catro provincias. No sur de Lugo ten presenza en Taboada, Chantada, O Saviñao, Monforte de Lemos e Sarria, contando con oficinas en Chantada e Monforte de Lemos.

Oficina de A Túa Xanela en Monforte / XdL

Nestas datas está facendo posible que Papa Noel se achegue a algunhas localidades nas que traballa como Palas de Rei, Monterroso, Taboada, Escairón e Chantada. O día 22 estiveron en Palas de Rei e Taboada e hoxe, 23 de decembro, estarán en Chantada e tamén na vila de Escairón.

Así logo, este venres Papá Noel visitará Chantada da man de A Túa Xanela, entre as 17:00 e as 19:00 h. enfronte da Igrexa Nova, lugar onde haberá tamén inchables infantís. E a esa mesma hora, tamén na Praza do Concello de Escairón.

DEIXAR UN COMENTARIO

Please enter your comment!
Please enter your name here