IniciosociedadeO Saviñao aposta polos obradoiros para estas datas de Nadal

O Saviñao aposta polos obradoiros para estas datas de Nadal

Un total de cinco talleres de diferentes disciplinas ofrecerán un lecer activo e creativo para a cativada do concello.

Publicado o

POR
Redacción
- Advertisement -

Os días 27 de decembro e 2 de xaneiro haberá uns obradoiros de Manualidades; o do 27 consistirá na elaboración de adornos para a árbores de Nadal con paus de madeira e realizarase na Biblioteca Municipal, e o do 2 de xaneiro servirá para confeccionar un “Portafotos de Nadal”. Este último levarase a cabo na Ludoteca municipal.

O mércores 28 de decembro a Biblioteca Municipal acollerá tamén ás 12:00 h. un obradoiro de debuxo consistente na ilustración de Nadaliñas e figuras típicas do Nadal como O Apalpador. Está impartido por Xosé Manuel Fernández.

Xosé Manuel Fdez. nun obradoiro de debuxo.

Para os/as amantes da cociña comentar que terán dúas oportunidades, o venres 30 de decembro e o martes 3 de xaneiro. Ambos obradoiros serán ás 12:00 h. na Ludoteca Municipal. No do 30 elaborarase un “Muffin de reno” e no de xaneiro unha ‘Árbore de Nadal con masa e chocolate’.

VISITA DOS REIS MAGOS

Será o 5 de xaneiro comezando o percorrido polas rúas de Currelos e recepción de cativas e cativos ás 16:30 h. no Centro Sociocultural.

Sobre as 18:30 h. estarán xa en Escairón, onde farán un percorrido con parada na residencia de maiores e a Igrexa. A recepción final dos Reis Magos será no Auditorio Municipal.

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...