HomesociedadeGrandes festas en Margaride de Lor, Quiroga

Grandes festas en Margaride de Lor, Quiroga

Serán os días 20, 21 e 22 de xaneiro. Tres días nos que non faltará a música tradicional, as verbenas, os actos relixiosos e a sempre esperada ‘Festa do Chourizo’.

Publicado o

POR
Redacción
- Advertisement -

Na montaña do Lor non lle teñen medo ao frío e os veciños e veciñas de Margaride de Lor celebrarán, como é tradición, as súas festas na honra a San Vicente esta fin de semana que chega. Concretamente, os festexos alongaranse do 20 ao 22.

O venres 20, para ir abrindo boca, terá lugar a “Festa do Chourizo”; unha popular cita gastronómica para exaltar un dos produtos estrela das matanzas. E co frío destes días, quen se resiste a comer un chourizo asado ao espeto?

Pois ben, a partires das 21:00 h. haberá degustación de balde de chourizos asados caseiros, aos que se lle arrimará tamén panceta, ademais de viño do lugar e roscón. Xa contra a noite, e como fin de festa, verbena a cargo da orquestra La Travesía.

Panceta ao espeto. Foto: Asoc. Veciños Margaride
Veciños/as festexando nunha edición anterior. Foto: Asoc. Veciños Margaride.

Para o sábado 21 a programación inclúe un pasarrúas e unha sesión vermú a cargo do grupo de gaitas quirogués O Recanto e despois, ás 14:00 h., terá lugar a misa e a procesión. Pola noite, a verbena correrá da conta da orquestra Somos Nosotros.

O domingo, volve O Recanto pola mañá no pasarrúas e ás 13:30 h. será a misa e a procesión. A continuación terá lugar unha sesión vermú de fin de festa amenizada pola solista da Pobra do Brollón, Nuncy Valcarcel.

ÚLTIMAS

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...

Esperta Monforte solicita a creación dunha Unidade de Atención Temperá Municipal

Desde Esperta Monforte lembran as subvencións que concede a Xunta para este tipo de...

DeNinghures e Mondra no escenario Chantada do Festival 17º Ribeira Sacra este 28 de xullo

Os concertos do Escenario Chantada levaranse a cabo no Parque Eloísa Rivadulla, “en Chantada...

Xosé Estévez presenta o 24 de xullo en Quiroga o seu novo libro “Manuel María e o Val de Quiroga”

O historiador e profesor quirogués, Xosé Estévez, presentará o vindeiro mércores, 24 de xullo,...