A pista permanece cortada ao tráfico e conveniente sinalizada desde o mesmo martes e, segundo avanzou o rexedor, “será complicado buscar unha solución a curto prazo, polo menos mentres siga a chover e corra tanta cantidade de auga, o que obrigará aos veciños a dar un pequeño rodeo”.
“Analizaremos se é mellor optar por unha solución urxente, aínda que sexa de menor calado, ou por unha obra máis complexa que evite que estas situacións se poidan reproducir no futuro”, manifestou Claudio Garrido, que pediu aos afectados “comprensión e paciencia ante unha incidencia ocasionada polo temporal”.
Por outra parte, o alcalde tamén se desprazou ata o lugar de Río, na parroquia de Maside, para supervisar os traballos de limpeza de cunetas realizados o pasado martes por persoal municipal e que evitaron desde ese día novas inundacións en polo menos tres vivendas da zona que sufriran anegamentos nos días anteriores
