Esta recuperación da música tradicional que chega á súa sexta edición celebrarase o sábado, 18 de marzo, e xa se abre o prazo para que os grupos interesados en participar se inscriban.

Unha vez aberto o prazo de inscrición, a organización poñerase en contacto cos establecementos hostaleiros da vila que queiran participar para no prazo dun mes pechar o número de establecementos participantes. Os grupos terán un prazo máis amplo, pois a súa inscrición gratuíta estará aberta ata o 13 de marzo na Casa da Cultura (tfno 982.43.51.25.).

En cantos ás bases non hai novidades. Está previsto que antes do comezo se reúnan os grupos participantes para darlles o itinerario do recorrido, a actuación en cada establecemento roldará a media hora e rematarase sobre a media noite cunha gran foliada de todas as agrupacións xuntas na zona dos pubs.