HomesociedadePombas da paz e testemuño dunha ucraína no Día da Paz que...

Pombas da paz e testemuño dunha ucraína no Día da Paz que celebrou o Colexio Torre de Lemos

A comunidade educativa deste centro escolar monfortino realizou un acto baixo o lema “Todos con Ucrania”.

Publicado o

POR
Redacción
- Advertisement -

Aínda que a previsión inicial era celebrar o ‘Día da Paz’ na céntrica rúa Cardeal de Monforte ás 12:30 h. ao final o equipo directivo do Colexio Torre de Lemos decidiu que o desenvolvemento do acto central tivera lugar no pavillón do colexio. As baixas temperaturas coas que empezaba o día na cidade do Cabe fixeron que o equipo directivo decidirá cambiar de emprazamento.

O acto comezou co himno de Ucraína. Tras escoitalo, os nenos e as nenas levantaron as pombas da paz e os seus globos coas cores da bandeira de Ucraína. Seguidamente viron un vídeo das cidades arrasadas pola guerra, con son real, escoitaron unha canción da paz e despois leron varios manifestos.

Dúas nenas coas ‘Pombas da Paz’. Foto: Colexio Torre de Lemos.

O que máis lles impactou, ademais do vídeo coas imaxes das cidades esborralladas, foi o testemuño de Alina Shatalova, ucraína residente en España e coa súa nai en Sober. Contou a través de vídeoconferencia a odisea que viviu a súa familia, que residía na cidade máis castigada, Mariupol. A rapazada escoitou con atención e quedaron totalmente sensibilizados coa situación.

O acto rematou cunha serie de peticións de nenas e nenos orientadas a pedir o remate do conflito e coa interpretación do himno do Antigo Reino de Galicia.

Dúas rapazas amosando as súas mensaxes de apoio a Ucraína. Foto: C. Torre de Lemos.

ÚLTIMAS

O Programa Deportivo de Verán de Monforte oferta 822 prazas

A Tenente de Alcalde de Monforte, Gloria Prada, destaca que desde o concello "fixemos...

42 persoas participan no Centro Cívico de Monforte das xornadas de formación universitaria para maiores de 50 anos

O programa de formación universitaria, que por quinta vez se celebra en Monforte con...

Sober convoca dúas bolsas culturais internacionais “Pintor de Castinandi”

O Concello de Sober convoca dúas Bolsas Culturais Internacionais ‘Pintor de Castinandi’ para o...

Roberto López, de colaborar co Bóveda Slam Poetry a publicar o seu primeiro poemario

Roberto López Veiga naceu na Coruña pero sempre estivo moi apegado a Rubián, no...