Iniciosociedade150.000€ para a mellora da estrada provincial de Taboada a Mundín, en...

150.000€ para a mellora da estrada provincial de Taboada a Mundín, en Chantada

A Deputación de Lugo traballa na mellora da estrada LU-P-6001 de Taboada a Mundín, en Chantada, cun investimento de preto de 150.000€. Comezaron os labores de estendido do aglomerado en quente entre os puntos quilométricos 6,100 e 9,950 coa previsión de ter rematado a semana que vén.

Publicado o

POR
Redacción
- Advertisement -

A actuación consiste na limpeza dos laterais, pavimentación e sinalización horizontal mediante marcas reflexivas brancas, o que mellorará as condicións de seguridade e comodidade para o usuario. Estes traballos completarán ademais os feitos recentemente pola institución provincial sobre o treito inicial da estrada.

A LU-P-6001 é unha vía de comunicación importante para o sur da provincia, porque dá servizo ás parroquias de Moreda, Gondulfe, Taboada dos Freires, Mato e Adá.

A mellora da mobilidade é unha das liñas estratéxicas da acción do Goberno provincial, como queda demostrado nos Orzamentos. De feito, o investimento en estradas subiu un 30% no que vai de mandato, pasando dos 14,2M€ consignados no 2019 aos 18,3M€ deste ano para tarefas de mellora do firme, roza de maleza, conservación e mantemento da rede viaria provincial, a máis extensa de todo o Estado e tres veces maior ca da Xunta en Lugo.

ÚLTIMAS

Conta atrás para a ‘Feira Degustación da Tenreira Galega’ de Láncara

José Tomé amosou a súa satisfacción por contribuír dende a Deputación de Lugo a...

210.000€ para a mellora de tres estradas provinciais en Chantada e no Saviñao

No caso de Chantada, a Xunta de Goberno acordou licitar a mellor de dúas...

Fin de semana de Fam Trip na Ruta do Viño da Ribeira Sacra

A Ruta do Viño da Ribeira Sacra celebra do 24 ao 26 de maio...

O alcalde de Bóveda na creacion da Comisión de Políticas de Auga, Medio Ambiente e Economía Circular

O alcalde de Bóveda, José Manuel Arias, participou recentemente en Madrid na reunión da...