O grupo Hotusa, con catro décadas de actividade, está presente en máis de 130 países, conta cuns 5.000 empregados e a facturación supera os 1.200 millóns de euros. Nas súas instalacións de Chantada conta con 210 persoas traballando, nos departamentos de marketing dixital, informática, xestión de contas nacionais e internacionais, área xurídica, contabilidade e equipo de reservas.
A celebración deste mércores encheu o auditorio de Chantada contando coa asistencia, entre outros, do Presidente da Xunta, Alfonso Rueda e do Presidente da Deputación de Lugo, José Tomé quen felicitou ao grupo e á súa dirección, “Desexo que sigan pola boa senda e que cumpran cos retos que teñen fixados para os vindeiros anos que, estou convencido, continuarán marcados polo éxito”, afirmou, ao tempo que apuntou que este proxecto empresarial contribuíu á dinamizar esta comarca e a provincia ao crear postos de emprego.
